როგორ მოვაწყოთ აგარაკი?
აგარაკი არის ადგილი, რომელიც მნიშვნელოვან როლს თამაშობს განსაკუთრებით ზაფხულის ცხელ დღეებში თქვენი დასვენებისა და განტვირთვის თვალსაზრისით.
არ აქვს მნიშვნელობა სადაა თქვენი დასასვენებელი სახლი მთაში თუ ზღვის სანაპიროზე, არსებობს გარკვეული წესები, რომლებიც უნდა გაითვალისწინოთ ქალაქგარეთ სახლის მოსაწყობად.
ნათელი ფერები ინტერიერში
პირველ რიგში აუცილებელია ქალაქგარეთ სახლის ინტერიერისთვის გამოიყენოთ ნათელი ფერები. ეს აამაღლებს თქვენ განწყობას და დაგეხმარებათ იდეალურად დასვენებაში.
სწორი ავეჯის შერჩევა
ზაფხულის პერიოდში დროის უმეტეს ნაწილს ეზოში ან აივანზე ვატარებთ, ამიტომ საჭიოა სახლისთვის შევარჩიოთ შესაბამისი ავეჯი, რომელიც უნდა იყოს მდგრადი და გაუძლოს ამინდის ცვლილებას.
შესაძლებელია აირჩიოთ ავეჯის ერთი კომპლექტი, რომელიც შეგიძლიათ გამოიყენოთ, როგორც შიგნით ასევე გარეთ. საუკეთესო ვარიანტია ხის ავეჯი.
მინიმალისტური მიდგომა
ქალაქგარეთ სახლის დატოვება დიდი ხნით გვიწევს, ამიტომ არაა აუცილებელი გაავსოთ ის ძვირფასი ნივთებით. იყავით მინიმალისტური და მხოლოდ აუცილებელი ნივთებით შემოიფარგლეთ.
ჭურჭელი არ დაგავიწყდეთ
ქალაქგარეთ სახლი ხშირად მეგობრების შეკრების საუკეთესო ადგილია, ჭურჭელი კი იმ მნიშვნელოვანი ნივთების ჩამონათვალი, რომელიც საკმარისი რაოდენობით უნდა იყოს სახლში.
დასვენებამდე აუცილებლად დარწმუნდით, რომ თქვენი სახლი აღჭურვილია ყველა საჭირო ჭურჭლით.
ღია სივრცე
დასვენება გულისხმობს მოდუნებას, დახუთული ქალაქიდან წამოსვლას, ამიტომ აუცილებელია სახლში გქონდეთ ღია სივრცე, ოთახი რომელიც არ იქნება გადატვირთული ავეჯით.
ამ კუთხით, ღია სივრცის სამზარეულო, აივნის სიახლოვეს არის საუკეთესო ვარიანტი.
ლამაზი მცენარეები
ფერადი ბაღი ცოცხალი ყვავილებით კიდევ უფრო მეტ ხალისს შესძენს თქვენს დასვენებას, ფერადი დეკორაციები კი თქვენი სტერესიის დაძლევის საუკეთესო საშუალება იქნება.
იმედია დაგეხმარათ ჩვენი სტატია ან თუნდაც ოდნავ გაგახალისათ, დააკომენტარეთ, თქვენ რას დაამატებდით აღნიშნულ ჩამონათვალს?
